بمناسبة الامتحانات، محتاجين ننظم مذاكرتنا ونستخدم أدوات تساعدنا تخلي عملية المذاكرة أبسط وألطف علشان كده جمعنالكم 7 تطبيقات رائعة هتساعدك تذاكر وتنظم مهام يومك كالمحترفين.
تطبيق Flip Clock
تطبيق تقدر من عليه تنظم جلسات المذاكرة سواء بطريقة البرومودورو (25 دقيقة) أو Study Bulk (ساعة ونص) وبيديك إشعار بانتهاء الجلسة.
تطبيق Apple Notes
تطبيق سهل وبسيط تقدر من خلاله تسجل Notes سواء على الآيباد أو الآيفون ويظهر ع الجهاز التاني بكل بساطة، وبكده مش هتتعطل وتتشتت وتضطر تستخدم أكتر من جهاز.
تطبيق Notability
تطبيق رائع جدًا تقدر تستخدمه وأنت بتذاكر، بيساعدك على الكتابة بخط ايدك وتقدر تضيف لأي جزئية صور أو ملاحظات وبكده تقدر تراجع اللي بتذاكره في أي وقت بدون ما تحتاج ورقة وقلم أو كتاب.
تطبيق Tick Tick
تقدر تعتمد عليه بشكل رئيسي في تتبع العادات اللي بتمارسها خلال يومك، وممكن تعمل تذكير كمان للعادات دي عشان تساعدك تنجزها.
زي إنك تعمل عادة الصحيان بدري، أو إنك تمارس رياضة في وقت محدد، أو حتى إنك تعمل جلسات للمذاكرة بشكل منتظم، وتقدر بكل سهولة كمان تتابع نسبة التزامك بالعادات خلال اليوم.
تطبيق Flat Tomato
لو بتتشتت بسرعة يبقى التطبيق ده مخصوص ليك، تقدر تظبط من عليه جلسات المذاكرة وجلسات البريك كمان.
تقدر من خلال التطبيق تفعل وضع التركيز، وبالتالي متقدرش تخرج برا دايرة التركيز خلال الجلسة، وكل ما تنجز جلسات مذاكرة أكتر، التطبيق بيفتحلك فرص أكتر إنك تجرب ميزات أكتر من التطبيق.
تطبيق Daily Routine
تطبيق مذهل هيساعدك تقسم يومك وتعمل روتين متنوع بين الأكل والراحة والدراسة والتاسكات بشكل ممتع جدًا.
تطبيق Poe
ميزة رائعة من مزايا الذكاء الاصطناعي، بيوفرلك أدوات كتيرة جدًا متنوعة بين إزاي تعمل presentation، أو إزاي تلخص مادة معينة، أو تساعدك في حل أي assignment أو أي مسائل ومعادلات صعبة.